يعنى إيه رعاية نهارية ؟؟

ومين الأطفال المناسب ليهم الرعاية النهارية ؟؟؟

ازاى ممكن يستفيد من الرعاية النهارية ؟!

ايه الفرق بين الرعاية والجلسات الخاصة؟!

كل دى أسئلة بنسمعها من أمهات كتيير ....

#المؤسسة المصرية لمتلازمة داون

هترد على كل إستفساراتكم وتساؤلاتكم

الرعاية النهارية:

بيقدم فيها الأخصائي مساعدة خاصة للطفل لتطوير قدراته اللغوية والمعرفية والسلوكية وتنميه مهارات بشكل فردي.

طيب ليه أختار الرعاية النهارية؟

اولا: لأنها بتوفر بيئة مشابهة للبيت بحيث أن الطفل بيقعد أطول فترة ممكنة عندنا وبالتالي بتكون النتيجة أفضل و ملاحظة الطفل بشكل أكثر دقه والتعامل مع السلوكيات فى وقتها.

ثانيا: أنها بتتيح الدمج للأطفال اللي محتاجة الدمج وطبعا ده بيفرق جدا مع الطفل أنه يلاقي أطفال من سنه معاه وبالتالي التفاعل بيكون افضل

ثالثا : بتنمي مهارات الطفل من انتباه وتركيز وإدراك وده بيكون مع مختص تنميه مهارات.

رابعا:

بتنمي المهارات ما قبل الأكاديمية من تصنيف وتمييز ومهارات أخري بترفع من مستوي الطفل أكاديمياً وبتسهل عملية التعليم للطفل.

الرعاية النهارية شئ مشابه للحضانة .. بس زيادة عليها التخاطب وتنمية المهارات وتعديل السلوك وبتكون أكيد على مستوى اعلى.

لان الشغل مع الطفل بيكون بنظام الجلسات الفردية مش جماعي زي الحضانة وده معناه ان كل طفل بيكون ليه خطة فردية بناءً على نقاط القوة والضعف عنده.

في الرعاية النهارية الطفل بيدخل جلسات فردي (تخاطب - منتسوري - تعديل سلوك - صعوبات تعلم - تنمية مهارات)

بمعنى النتيجة اللي هتحصل عليها من الجلسات فى كام شهر تحققها الرعاية فى مدة أقل بكتير جدا

كل دا واكتر ف المؤسسة المصرية لمتلازمة داون

احنا متخصصين ودارسين طرق التعامل مع الأطفال ذوى القدرات الخاصة بطريقة علمية وعملية مدروسة وفق خطوات وأهداف وبرامج معدة ومخصصة ليهم يعنى ابنك أو بنتك بيشتغل معانا مابيحضرش وخلاص .

الرعايه النهاريه من الساعه 8صباحاً إلي الساعة 2مساءا